Top News - Vrasja e Mateos, të tjera arrestime/ Policia dyshon dhe tek një person i dytë

Hetimet për vrasjen e vogëlushit Mateo Vasiu janë zgjeruar. Priten edhe dëshmi të tjera, ndërkohë çështja është bërë misterioze, pas dyshimeve se në krimin makabër mund të ketë gisht edhe një femër.
8 vjeçari u masakrua nga fqinji i tij. Familjarët e 8 vjeçarit kanë denoncuar një të afërme të tyre se mund të ketë lidhje me ngjarjen. Dëshmia e saj kontradiktore para uniformave të policies ka ngritur dyshime tek familjarët se ajo mund të ketë lidhje me ngjarjen. Kjo ngjarje e ka detyruar Policinë që të nisë hetimet mbi të dhe lidhjet që ajo ka pasur me ngjarjen.
“Kjo grua na ka thënë se një makinë kishte kaluar në rrugën pranë shtëpisë e ndoshta mund të kishte lidhje me humbjen e djalit”, kjo deklaratë është e njëjta me atë që ka thënë edhe Klodian Çalamani para se të gjendej trupi i djalit.
Gruaja për të cilën familjarët kanë dyshime pritet të merret në pyetje nga grupi i hetuesve për të hedhur dritë jo vetëm mbi ngjarjen, por edhe nëse ka pika kontakti me autorin e saj, që mund ta përfshijnë.
Nuk është vetëm Klodiani në këtë mes, por edhe një femër. Tezja e Mateos ka telefonuar vetë një person para dy ditësh dhe ajo e di këtë. Pra, të merren shenjat e gishtave, qoftë te nusja e xhaxhait, qoftë edhe një person tjetër shumë i ngushtë” kjo ishte dëshmia e një gruaje e cila dinte detaje nga ngjarja e rëndë.
Tezja e Mateos Adriana ka thënë për mediat se sytë e 8 vjeçarit kanë parë diçka që nuk duhej ta shihte, ndaj edhe është vrarë sipas saj. Mes të tjerash, ajo aludon se personi i dytë që përfshihet në këtë ngjarje mund të jetë edhe brenda familjes së motrës.
Ndërsa familjarët zhvillonin kërkime, Klodian Çalamani kërkonte bashkë me ta në përpjekje për të fshehur gjurmët. Pas zbulimit dhe arrestimit të autorit, Çalamani ka sqaruar të gjithë kronologjinë e ngjarjes, duke pretenduar se fëmija e shante, të njëjtën deklaratë që ka bërë edhe paraprakisht pas arrestimit.



Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Policia#Hetimet#TopChannel